Viral Video : मुंबईतील मानखुर्द रेल्वे स्थानकाबाहेरील ऑटोरिक्षा स्टँडवर रिक्षाचालकांनी एका तरुणाला बेदम मारहाण केल्याची धक्कादायक घटना घडली. हा संपूर्ण प्रकार स्थानिक लोकांनी मोबाईलमध्ये रेकॉर्ड केला असून या घटनेचा व्हिडिओ सोशल मीडियावर व्हायरल होत आहे. मुंबई पोलिसांनी या घटनेची दखल घेतली असून लवकरच दोषींविरोधात कारवाई करण्याचे अश्वासन दिले.
सोशल मीडियावर व्हायरल होत असलेल्या या व्हिडिओमध्ये काही रिक्षाचालक तरुणाला बेल्टने मारहाण करत असून शिवीगाळ करताना दिसत आहेत. त्याच्या असभ्य वर्तनामुळे रिक्षाचालकाने संबंधित तरुणाला मारहाण केल्याचा दावा केला जात आहे. मात्र, या घटनेमागचे खरे कारण अद्याप समजू शकलेले नाही. घटनास्थळी उपस्थित लोकांनी या घटनेचा व्हिडिओ रेकॉर्ड केला आणि सोशल मीडियावर शेअर केला. मुंबई पोलिसांनी या व्हिडीओची दखल घेतली असून याप्रकरणी योग्य ती कारवाई करणार असल्याचे त्यांनी सांगितले.
एक्स प्लॅटफॉर्मवरील गोवंडी सिटिझन्स वेलफेअर फोरम या खात्यावरून हा व्हिडिओ शेअर करण्यात आला. यानंतर हा व्हिडिओ वाऱ्याच्या वेगाने वायरल झाला. या व्हिडिओ नेटकऱ्यांच्या संतापजनक प्रतिक्रिया येत आहेत. एकाने असे म्हटले की शहरात रिक्षा माफियांची वाढ होऊ लागली असून त्यांच्याविरोधात कोणतीही कारवाई केली जाणार नाही.